Ka rënë apo jo “non grata” për Berishën? Koka: De facto po, ja kur bie edhe de jure

Shqipëria

Ka rënë apo jo “non grata” për Berishën? Koka: De facto po, ja kur bie edhe de jure

Më: 8 maj 2025 Në ora: 22:59
Sali Berisha

Gazetari Bledar Koka ishte këtë të enjte në “Now me Erla Mëhillin” në Euronews Albania ku ka komentuar deklaratën e DASH për gazetarin Marco Caputo në lidhje me “non gratën”  e vendosur ndaj Sali Berishës.

Sipas tij sanksinimi i Sali Berishës nuk ka qenë një sanksionim i një politikani, por një “vulë turpi” për Shqipërisë.

“Ky është akti i dytë në pesë muaj që administrata amerikane e Trump dhe Rubio kanë marrë sa i përket politikës së “non gratave”. Rasti i parë ishte ai me zyrtarin hungarez dhe rasti i dytë në trajtimin e “non gratave” është ky me Berishën.

Kjo është një njohje e gabimit të madh që është bërë nga administrata dhe që ne e kemi thënë të gjithë, dhe sot është konfirmimi që “non grata” ka rënë de facto, por “de jure” akoma jo. Nuk ka rënë “de jure” sepse në optikën dhe vizionin e Sekretarit Rubio, politika e “non gratave” synon të rishikohet e tëra dhe të zëvendësohet nga një mekanizëm tjetër politik”, tha gazetari Koka.

comment Për komente lëvizni më poshtë
Sot mund të lexoni Shfletoni kopertinat