“Aleatët e NATO-s duhet të rrisin shpenzimet për mbrojtjen”, ambasada e SHBA: Synimi është investimi sa 5% e PBB-së

Shqipëria

“Aleatët e NATO-s duhet të rrisin shpenzimet për mbrojtjen”, ambasada e SHBA: Synimi është investimi sa 5% e PBB-së

Më: 14 maj 2025 Në ora: 14:01
Ambasada e Shteteve të Bashkuara në Tiranë

Ambasada e Shteteve të Bashkuara në Tiranë ka shpërndarë një mesazh të fortë në rrjetet sociale, duke theksuar domosdoshmërinë që vendet anëtare të NATO-s të rrisin shpenzimet për mbrojtjen kombëtare, në mënyrë që Aleanca të jetë e përgatitur për të parandaluar dhe përballuar çdo kërcënim të mundshëm.

Në postimin e publikuar në Facebook, Ambasada Amerikane shkruan:

“5 për qind – kaq duhet të shpenzojnë Aleatët e NATO-s që NATO të mund të parandalojë dhe mbrojë kundër çdo kërcënimi.”

Sipas njoftimit, lajmi i mirë është se të gjitha vendet anëtare, me disa përjashtime, kanë rritur ndjeshëm buxhetet për mbrojtjen në tre deri pesë vitet e fundit. Megjithatë, ambasada thekson se kjo prirje pozitive duhet të vazhdojë, duke bërë thirrje për angazhim të vazhdueshëm nga të gjithë aleatët.

comment Për komente lëvizni më poshtë
Sot mund të lexoni Shfletoni kopertinat