Ndihmoi në vrasjen e Santiago Malkos, GJL rrëzon vendimin e Apelit për Blendi Tetën

Shqipëria

Ndihmoi në vrasjen e Santiago Malkos, GJL rrëzon vendimin e Apelit për Blendi Tetën

Më: 22 maj 2025 Në ora: 16:05
Blendi Tetën

Gjykata e Lartë ka prishur vendimin e Apelit të Posaçëm për Blendi Tetën, i akuzuar për përfshirjen e tij në vrasjen e ish-policit Santiago Malko, ngjarje e shënuar në 27 gusht 2019.

Shkalla e tretë e gjyqësorit në dhomë këshillimi, këtë të enjte vendosi prishjen e vendimit të Apelit të datës 14 qershor 2022 dhe dërgimin e çështjes për rishqyrtim në këtë gjykatë, me tjetër trup gjykues.

Blendi Teta u dënua nga Apeli me 25 vite burg, nën akuzën se ai vëzhgoi lëvizjet e Malkos dhe ndihmoi autorët në ekzekutimin e tij.

Gjithashtu të akuzuar nga SPAK për këtë ngjarje janë: Leonard Duka, Erlis Duka, Ilir Selmani, Oltian Loga, Aleksandër Maxhaku, Fatmir Hyseni (Musai), Dritan Agaj, Xhoni Nica dhe Elvis Gaçaj.

comment Për komente lëvizni më poshtë
Sot mund të lexoni Shfletoni kopertinat