Makinat përplasen ‘kokë më kokë’ në Bulqizë! Njëra përfundon e shkatërruar anash rrugës, 2 të plagosur

Shqipëria

Makinat përplasen ‘kokë më kokë’ në Bulqizë! Njëra përfundon e shkatërruar anash rrugës, 2 të plagosur

Më: 3 qershor 2025 Në ora: 13:19
Foto nga vendi i ngjarjes

Një aksident i rëndë është shënuar pak minuta më parë në rrugën Bulqizë – Peshkopi në vendin e quajtur Vajkal. Dy automjete janë përplasur kokë më kokë ku njëra ka përfunduar e shkatërruar jashtë rrugës.

Të dy automjetet kishin vetëm drejtuesit, të cilët janë plagosur si pasojë e përplasjes.

Ata janë dërguar për mjekim në spitalin e Bulqizës ku mësohet se fatmirësisht janë jashtë rrezikut për jetën.

Ky nuk është aksidenti i parë në këtë vend pasi vetëm pak javë më parë një mësuese u përplas për vdekje nga një automjet në lëvizje. Në këtë segment rrugor automjetet qarkullojnë me shpejtësi të lartë, ndërsa është kryqëzim i rrugës së Arbrit me rrugën e lagjes së vjetër të Bulqizës.

comment Për komente lëvizni më poshtë
Sot mund të lexoni Shfletoni kopertinat