Barbara Doda, koordinatore e qarkut të Tiranës, Partia “Mundësia”, u shpreh në Euronews Albania se Thethi është një pasuri kombëtare që sipas Dodës, kryeminsitri Edi Rama dëshiron ta gëzojë për përfitimet e tij siç mund të jenë investime strategjike në Theth.
Në këndvështrimin e Barbara Dodës, kryeministri pretendon të mos ua lejojë këto pasuri të Thethit, banorëve të thjeshtë të fshatit dhe shton se aksioni në këtë sezon vere po ndodh për një qëllim.
“Thethi nuk është një pikë e vogël, është një pasuri kombëtare, është si Alpet e Zvicrës, është magji. Rama ia di vlerën Thethit. Siç ka bërë me jugun e Shqipërisë, Rama kërkon ta ndajë me miq të tij, me njerëz që janë afër pushtetit, me investitorë strategjik.
Banorët në zonë akoma thonë që po presim letrat. Po flasin për akte pronësie. Kur merr aktin e pronësisë së një prone, atëherë je vërtet pronar, atëherë prona jote ka vlerë. Le të presin gjithë jetën. Nuk ua jep kush aktin e pronësisë sepse ajo është tokë me vlerë dhe Rama tokën me vlerë nuk mund t’ia lejë një fshtatari të thjeshtë atje në Theth, dhe as një personi që është kthyer nga jashtë. Rama e do për vete, siç e ka bërë gjithë Shqipërinë. Kjo për të bërë investime strategjike. Ky aksion në mes të verës nuk është pa gjë. Rama nuk e ka këtë urgjencë kot. Rama e ka sepse e di që Thethi ka vlerë që do ta gezojë vet”, theksoi Barbara Doda.