Arrestohet italiani në Durrës, kapet duke trafikuar një automjet të vjedhur

Shqipëria

Arrestohet italiani në Durrës, kapet duke trafikuar një automjet të vjedhur

Më: 25 gusht 2025 Në ora: 16:12
Ilustrim

Policia e Durrësit ka vendosur në pranga ditën e sotme një shtetas italian pasi është ndalur në portin e Durrësit.

38-vjeçari italian G.L është vendosur në pranga pasi ka tentuar të trafikoi në Shqipëri një automjet të vjedhur para 1 muaj në Itali.

Nga verifikimet automjeti ishte vjedhur në shtetin fqinj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës

Njoftimi i Policisë Durrës:

Tentoi të trafikonte në Shqipëri, një automjet të vjedhur para 1 muaji, në Itali, vihet në pranga shtetasi italian. Sekuestrohet automjeti.

Si rezultat i shtimit të kontrolleve, verifikimeve dhe intervistimeve, në hyrje/dalje të vendit, me objektiva parandalimin e paligjshmërive, shërbimet e Policisë Kufitare të portit të Durrësit vunë në pranga, në hyrje të Shqipërisë, shtetasin italian G. L., 38 vjeç.

Nga verifikimet e kryera rezultoi se automjeti që ky shtetas po tentonte të fuste në Shqipëri, ishte vjedhur në Itali, më datë 25.07.2025.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprën penale “Trafikimi i mjeteve motorike”.

comment Për komente lëvizni më poshtë
Sot mund të lexoni Shfletoni kopertinat