Berisha sulmon Ramën: U tall me Presidentin e SHBA, është kloun ndërkombëtar!

Shqipëria

Berisha sulmon Ramën: U tall me Presidentin e SHBA, është kloun ndërkombëtar!

Më: 3 tetor 2025 Në ora: 13:21
Kreu i PD-së, Sali Berisha

Kreu i PD-së, Sali Berisha, ka sulmuar kryeministrin Edi Rama duke e quajtur “kloun ndërkombëtar”, teksa u shpreh se kreu i qeverisë u tall me presidentin e SHBA-së, Donald Trump.

“Edi Rama shfrytëzoi samitin e Bashkimit Politik të Europës për të përqeshur, për t’u tallur me presidentin e SHBA”, deklaroi Berisha.

Kreui PD-së shtoi se ky është shërbimi më i keq ë Rama mund t’u bëjë shqiptarëve.

“Edi Rama, kllounadën e tij, që e filloi në sallën e samitit, e vazhdoi më vonë me mediat, duke bërë të njëjtat deklarata. Në darkë u përpoq të marrë kthesën duke dëshmuar edhe njëherë se sa hipokrit dhe i pakarakter është”, theksoi ai.

Sali Berisha: Dje shqiptarët, europianët dhe qytetarët e mbarë botës panë se kreu i organizatës kriminale të Tiranës është njëherashi edhe klouni ndërkombëtar.

Edi Rama shfrytëzoi samitin e Bashkimit Politik të Europës për të përqeshur, për t’u tallur me presidentin e SHBA.

Konkretisht, me një proces të suksesshëm paqeje siç ishte paqja e Kaukazit.

Edi Rama, kllounadën e tij, që e filloi në sallën e samitit, e vazhdoi më vonë me mediat, duke bërë të njëjtat deklarata.

Në një akt të verbër, kukulla e Xhorxh Sorosit, mendoi se ky është shërbimi më i madh që mund t’i bëjë këtij të fundit.

Por ky është shërbimi më i keq që Edi Rama mund t’u bëjë shqiptarëve.

comment Për komente lëvizni më poshtë
Sot mund të lexoni Shfletoni kopertinat