Shiste produkte bujqësore të skaduara, arrestohet 35-vjeçari

Shqipëria

Shiste produkte bujqësore të skaduara, arrestohet 35-vjeçari

Më: 23 tetor 2025 Në ora: 15:07
Foto ilustrim

Seksioni për Hetimin e Krimit Ekonomik dhe Financiar, në bashkëpunim me AKU-në, organizoi dhe finalizoi në drejtimin e Prokurorisë, operacionin policor të koduar “Expiration”

Si rezultat i këtij operacioni u arrestua shtetasi Enea Davidhi, 35 vjeç, banues në fshatin Krutje, Lushnje.

“Nga hetimet dyshohet se ky shtetas ka shitur një sasi të konsiderueshme produktesh bujqësore për mbrojtjen e bimëve, të cilave iu ka shtyrë afatin e skadencës, me 1 vit më shumë se ai i miratuari nga Ministria e Bujqësisë.

Gjatë kontrollit të kryer në bashkëpunim me punonjësit e AKU-së, në magazinën e këtij shtetasi, në Fushë Krujë, u  konstatua një sasi e konsiderueshme produktesh bujqësore, me afat përdorimi 2 vjet nga viti i prodhimit, të cilave ky shtetas iu kishte vendosur etiketa që përcaktonin afat përdorimi 3 vjet nga data e prodhimit”, bëri me dije policia.

Gjithashtu, shërbimet e Policisë sekuestruan në cilësinë e provës materiale, qindra etiketa me ngjitje, në të cilat ishte ndryshuar afati për përdorimin e produkteve bujqësore.

comment Për komente lëvizni më poshtë
Sot mund të lexoni Shfletoni kopertinat