Baste në plazhin e Durrësit/ Në pranga pronari i lokalit, procedohen bastvënësit

Shqipëria

Baste në plazhin e Durrësit/ Në pranga pronari i lokalit, procedohen bastvënësit

Më: 24 tetor 2025 Në ora: 12:52
Foto ilustrim

Policia e Durrësit ka goditur një rast të organizimit të kundërligjshëm të lojërave të fatit në lagjen nr. 13 në zonën e plazhit.

Gjatë kontrollit në një lokal, shërbimet e Policisë arrestuan në flagrancë pronarin e subjektit, shtetasin E. K., 32 vjeç, i cili posedonte gjithashtu lëndë narkotike të llojit Cannabis Sativa.

Në ambientet e lokalit u kapën katër shtetas të tjerë — G. K., H. K., F. P. dhe A. B., të gjithë banues në Durrës të cilët po vendosnin baste sportive me celularë ndërsa janë proceduar penalisht në gjendje të lirë.

Gjatë kontrollit, policia sekuestroi 5 celularë dhe një sasi lënde narkotike ndërsa materialet iu referuan Prokurorisë së Durrësit për veprime të mëtejshme hetimore.

Njoftimi i policisë

Si rezultat i kontrollit të kryer në bazë të informacioneve të siguruara në rrugë operative, se në një lokal në lagjen nr. 13 Plazh, viheshin baste sportive, me celularë, shërbimet e Stacionit të Policisë Plazh, në bashkëpunim me shërbimet e Komisariatit të Policisë Durrës:

-arrestuan në flagrancë shtetasin E. K., 32 vjeç, banues në Durrës;
-referuan materialet në Prokurori, ku nisi procedimi në gjendje të lirë për shtetasit G. K., H. K., F. P. dhe A. B., të gjithë banues në Durrës.

Në lokalin e 32-vjeçarit, 4 të proceduarit u kapën duke vënë baste sportive, me celularë.
Më tej, gjatë kontrollit fizik të kryer ndaj pronarit të subjektit, u gjet një sasi lënde narkotike Cannabis Sativa.

Materialet procedurale iu referuan Prokurorisë së Durrësit, për veprime të mëtejshme”. thuhet në njoftim.

comment Për komente lëvizni më poshtë
Sot mund të lexoni Shfletoni kopertinat