Shkumbini iu përmbyti banesën, kërkohet evakuimi i familjes në Librazhd

Shqipëria

Shkumbini iu përmbyti banesën, kërkohet evakuimi i familjes në Librazhd

Më: 20 nëntor 2025 Në ora: 14:31
Foto ilustrim

Situata paraqitet e rënduar në zonën e “Urës së Murrashit” në Librazhd, ku reshjet kanë rritur ndjeshëm nivelin e lumit Shkumbin, duke krijuar rrezik përmbytjeje për banesën e shtetases Gjylije Murrashi.

Sektori i Emergjencave Civile të Bashkisë Librazhd njofton se familja është udhëzuar të strehohet tek të afërmit deri në stabilizimin e kushteve atmosferike dhe të prurjeve në lumë.

Verifikimet në terren tregojnë se situata është përkeqësuar edhe për shkak të hedhjes së inerteve në të dy anët e lumit nga firma që po kryen punimet për segmentin e “Korridorit 8”. Ngushtimi i shtratit të Shkumbinit konsiderohet faktor shtesë rreziku për përmbytje në zonë.

Bashkia Librazhd ka kontaktuar administratorin e firmës për të ngritur shqetësimin mbi ndikimin e punimeve në situatën e krijuar, duke kërkuar marrjen e masave të menjëhershme.

comment Për komente lëvizni më poshtë
Sot mund të lexoni Shfletoni kopertinat