Qarku i Shkodrës nën reshje mesatare shiu, situata jo problematike

Shqipëria

Qarku i Shkodrës nën reshje mesatare shiu, situata jo problematike

Më: 23 nëntor 2025 Në ora: 09:21
Foto ilustrim

Qarku i Shkodrës ka përjetuar reshje me intensitet mesatar gjatë natës, por deri tani situata në territorin e saj paraqitet e qetë.

Në shumicën e bashkive, përfshirë Shkodrën, Malësinë e Madhe dhe Pukën, nuk raportohen problematika të mëdha me energjinë elektrike apo qarkullimin rrugor. Vetëm në disa fshatra të njësive administrative Vig-Mnelë dhe Shllak mungon energjia elektrike, ndërsa autoritetet lokale po ndërmarrin punime për mirëmbajtjen e rrugëve të dëmtuara. Nivelet e lumenjve mbeten poshtë kuotave të rrezikut, dhe hidrovoret funksionojnë normalisht.

Informacion për situatën në teritorin e Qarkut Shkodër.

1. Bashkia Shkodër

* Situata paraqitet e qetë.
* Nuk raportohen probleme me energjinë elektrike.
* Reshjet kanë vijuar gjatë natës me intensitet mesatar, momentalisht nuk janë evidentuar problematika.

2. Bashkia Malësi e Madhe

* Reshjet e shiut kanë vijuar gjatë natës me intensitet mesatar.
* Nuk raportohen probleme nga kjo bashki.
* Në rrugën e dëmtuar mbi mbi përroin e thatë, fshati Kamicë (Nj.A Qendër), është planifikuar që sot të hidhen disa kamionë me zhavorr

3. Bashkia Vau Dejës

•Reshjet kanë vijuar gjatë natës dhe vijojnë edhe aktualisht me intensitet mesatar.
* Në fashtarat e njësive administrative Vig-Mnelë dhe Shllak mungon energjia elektrike.

4. Bashkia Pukë

* Në ketë bashki vijojnë reshjet e dëborës me intensitet mesatar.
* Nuk raportohen problematika momentalisht nga bashkia Pukë.

5. Druk Lezhë

* Gjatë 24 orëve kanë rene rreth 35 mm reshje shiu.
* Nuk ka probleme në funksionimin e kanaleve të kullimit, argjinaturave, dhe digës së rezervuarit. Shtodër.
* Nivelet e ujit në lumenjtë Buna, Drin, Kir, Gjadër, dhe prurjet në përrenjtë kryesorë janë poshtë kuotave të rrezikut.
* Hidrovoret e Velipojës (Vilu & Cas) funksionojnë normalisht.

6. DRV Shkodër

Deri tani nuk raportohet asnjë problem me qarkullimin rrugor në akset që administrohen nga DRV.

comment Për komente lëvizni më poshtë
Sot mund të lexoni Shfletoni kopertinat