Shqipëria pajiset me raketa antitank “Javelin” nga Amerika

Shqipëria

Shqipëria pajiset me raketa antitank “Javelin” nga Amerika

Më: 27 shkurt 2026 Në ora: 23:27
Pamje nga vendi i ngjarjes

Shtetet e Bashkuara të Amerikës i kanë dorëzuar Shqipërisë një sasi të konsiderueshme raketash antitank, Javelin, një prej sistemeve më të avancuar në botë.

E ngarkuara me punë e Shteteve të Bashkuara të Amerikës, Nancy VanHorn, tha se ky është një hap i rëndësishëm në partneritetin mes SHBA dhe Shqipërisë, për sigurinë.

“Ky është një demonstrim për përkushtimin tonë për sigurinë rajonale. Sistemi Javelin është shumë i avancuar dhe përmbush objektivin e Shqipërisë për mbrojtjen kolektive”, tha VanHorn.

“Mjedisi i sigurisë me të cilin përballemi të gjithë kërkon që të gjithë aleatët të bëjnë pjesën e tyre. Jemi krenar që jemi partner në këto përpjekje”.

VanHorn vlerësoi edhe punën e ministrit të Mbrojtjes në ikje, Pirro Vengu.

comment Për komente lëvizni më poshtë
Sot mund të lexoni Shfletoni kopertinat