Reshje bore në zonat malore të Korçës, trashësia arrin deri në 20cm në disa akse

Shqipëria

Reshje bore në zonat malore të Korçës, trashësia arrin deri në 20cm në disa akse

Më: 19 mars 2026 Në ora: 09:23
Foto ilustrim

Zonat malore të juglindjes së vendit mëngjesin e sotëm janë përfshirë nga reshjet e borës. Mësohet se reshjet kanë qenë të dendura kryesisht në fshatrat turistike të Dardhës dhe Voskopojës.

Trashësia e borës në Dardhë ka shkuar deri në 10 cm ndërsa në aksin rrugor Shtyllë-Qafë Mashkullore, trashësia ka shkuar deri në 15-20 cm.

Borë gjatë orëve të fundit ka pasur edhe në fshatrat e Devollit të Sipërm si dhe në zonat e tjera malore të qarkut të Korçës.

Sipas raportimeve, deri tani nuk raportohen probleme sa i përket qarkullimit ndërsa autoritetet kërkojnë drejtuesve të mjeteve që duan të kalojnë fundjavën në këto fshatra, të jenë të pajisur me goma dimërore.

comment Për komente lëvizni më poshtë
Sot mund të lexoni Shfletoni kopertinat