Ra nga tarraca, humb jetën bashkëpronari i një hoteli në Gjirokastër

Shqipëria

Ra nga tarraca, humb jetën bashkëpronari i një hoteli në Gjirokastër

Më: 10 prill 2026 Në ora: 12:00
Foto ilustrim

Një ngjarje e rëndë ka ndodhur këtë premte në Gjirokastër, ku bashkëpronari i një hoteli ka rënë nga tarraca e objektit dhe është dërguar në gjendje kritike në spital ku dhe ka humbur jetën.

Mësohet se K.S., 60 vjeç, ndodhej në tarracën e hotelit kur dyshohet se ka rënë nga një lartësi prej rreth 15 metrash.

Sipas policisë ngjarja dyhsohet të jetë aksidentale ndërsa në vendngjarje ka mbërritur autoambulanca, e cila e ka transportuar në spital 60-vjeçarin i cili nuk ka mundur ti mbijetojë plagëve të marra.

Grupi hetimor po punon për të sqaruar rrethanat dhe shkaqet e ngjarjes.

Njoftim i policisë

“Rreth orës 10:45, në lagjen “Virua”, dyshohet se ka rënë aksidentalisht nga tarraca e hotelit në pronësi të tij, shtetasi K. S., 60 vjeç, i cili ka humbur jetën në spital.

Grupi hetimor po punon për zbardhjen dhe dokumentimin e rrethanave të rastit”, njofton policia.

comment Për komente lëvizni më poshtë
Sot mund të lexoni Shfletoni kopertinat