SPAK kërkon pushimin e hetimeve për 6 episode të shpërdorimit të detyrës për Elvis Roshin për shkak të parashkrimit të veprës penale.
Megjithate ish-kryebashkiaku i Kavajës nuk do t’i shpëtoje ndjekjes penale pasi ai akuzohet nga SPAK për 5 episode të tjera për shpërdorim detyre.
Çështja ndodhet në fazën e seancës paraprake ndërsa seanca e radhës do të mbahet me 28 prill. Roshi fillimisht u hetua për shkelje të barazisë në tendera ndërsa me pas iu komunikua akuza e shpërdorimit të detyrës.
Bëhet fjalë për një dosje të vjetër pas një auditi të KLSH lidhur me abuzimet me tenderat në bashkinë Kavajë, çështje e cila kishte shkuar për pushim në gjykatën e Durrësit por kjo e fundit shpalli moskompetencën.