Qarkullonte i armatosur në makinë, arrestohet 39-vjeçari në Tiranë

Shqipëria

Qarkullonte i armatosur në makinë, arrestohet 39-vjeçari në Tiranë

Më: 29 prill 2026 Në ora: 09:59
Foto ilustrim

Një 39-vjeçar është vënë në prangat e policisë pasi qarkullonte me automjet i armatosur me pistoletë.

Ngjarja ka ndodhur në Rrugën e Dibrës, ku shtetasit me iniciale R.T., iu sekuestrua pistoleta me krehër dhe fishekë që posedohej pa leje.

“Shërbimet e Komisariatit të Policisë Nr. 4, në kuadër të aksioneve të njëpasnjëshme, të mbështetura te kontrollet dhe puna operative, me fokus evidentimin dhe goditjen e rasteve të armëmbajtjes pa leje, finalizuan operacionin e koduar “Poseduesi”.

Gjatë operacionit, në Rrugën e Dibrës, u ndalua automjeti që drejtonte shtetasi R. T. Në automjet u gjet 1 armë zjarri pistoletë me krehër dhe fishekë, që posedohej pa leje, nga ky shtetas.

Në përfundim të veprimeve procedurale, shtetasi R. T., 39 vjeç, banues në Tiranë, u arrestua në flagrancë, për veprën penale “Prodhimi dhe mbajtja pa leje e armëve, armëve shpërthyese dhe municionit luftarak”.

Materialet procedurale iu referuan Prokurorisë së Tiranës, për veprime të mëtejshme“, thuhet në njoftimin e policisë.

comment Për komente lëvizni më poshtë
Sot mund të lexoni Shfletoni kopertinat