Shembet ura në Peqin, izolohen 9 fshatra

Shqipëria

Shembet ura në Peqin, izolohen 9 fshatra

Më: 16 maj 2026 Në ora: 19:07
Foto ilustrim

Moti i keq ka sjellë probleme në qarkun e Elbasanit, ku në Njësinë Administrative Karinë të bashkisë Peqin është shembur ura tip “Bailey” në fshatin Sinaballaj, duke izoluar 9 fshatra të zonës, si edhe disa zona të Rrogozhinës.

Fatmirësisht, nga shembja e urës nuk raportohet për persona të lënduar apo dëme në mjete. Dyshohet se shkak është bërë kalimi i mjeteve të tonazhit të rëndë gjatë natës, ndërsa reshjet e shiut dhe kushtet e rënduara atmosferike kanë ndikuar më tej në situatë.

Si pasojë e dëmtimit të urës, qarkullimi në zonë është ndërprerë, ndërsa autoritetet kanë nisur punën për krijimin e një kalimi të përkohshëm pranë saj, me qëllim rikthimin sa më të shpejtë të lëvizjes së banorëve dhe automjeteve.

Ndërkohë, reshjet e shiut kanë përfshirë rreth mesditës të gjithë qarkun e Elbasanit, kryesisht me intensitet të ulët, por të shoqëruara me erë të fortë dhe në disa zona me rrebeshe shiu.

Problematika janë shfaqur edhe në kthesat e Dragostunjës, ku rreth orës 14:00 pati rënie inertesh dhe aluvionesh në rrugë. Situata shkaktoi vetëm ngadalësim të lëvizjes së automjeteve, pa sjellë ndërprerje të qarkullimit.

comment Për komente lëvizni më poshtë
Sot mund të lexoni Shfletoni kopertinat