Vatrat aktive të zjarrit të përqëndruara në Dibër, ja si vijon situata në vend

Shqipëria

Vatrat aktive të zjarrit të përqëndruara në Dibër, ja si vijon situata në vend

Më: 3 shtator 2026 Në ora: 14:11
Fotoilustrim

Ministria e Mbrojtjes ka vijuar informimin e saj rreth situatës së zjarreve në vend duke raportuar se gjatë 24 orëve të fundit janë raportuar 27 vatra, prej të cilave 3 mbeten aktive, 4 janë nën mbikëqyrje dhe 3 janë shuar plotësisht.

Vatrat kryesore aktive janë të përqendruara në qarkun Dibër: në Vajkal të Bulqizë, ku zjarri ka përshkuar mbi 18 hektarë, Mat, ku zjarri vijon në një sipërfaqe të konsiderueshme pyjore. Riaktivizimi i zjarrit nga era e fortë e ka orientuar atë drejt fshatrave Mallunxë dhe Lis.

Në Dajt-Qafë Priskë situata vijon të jetë problematike, por pa rrezik për zonat e banuara.

Nën mbikëqyrje janë gjithashtu vatrat në Qafën e Lugut-Vithkuq, malin e Qukësit–Prrenjas dhe Iballë-Fushë-Arrëz, ku kjo e fundit ndodhet në terren shumë të vështirë dhe ndërhyrja është kryer nga ajri.

Në operacionet e shuarjes janë angazhuar gjithsej 292 forca operacionale dhe 26 automjete zjarrfikëse, ndërsa Forcat e Armatosura kanë mbështetur operacionet me 80 efektivë dhe 3 helikopterë.

Sot mund të lexoni Shfletoni kopertinat