Rama nga Brukseli: Nuk jap dorëheqje, studentët vazhdojnë marshimin

Shqipëria

Rama nga Brukseli: Nuk jap dorëheqje, studentët vazhdojnë marshimin

Nga: Bota sot Më: 4 nëntor 2026 Në ora: 08:57
Edi Rama

Kryeministri i Shqipërisë, Edi Rama, përsëriti nga Brukseli ftesën për dialog me studentët që protestojnë prej më shumë se dy javësh kundër qeverisë së tij. Njëkohësisht, ai përjashtoi çdo mundësi dorëheqjeje.

Sipas raportimeve të medias shqiptare, Rama tha se protestat nuk përfaqësojnë të gjithë shoqërinë. Ai deklaroi se largimi i tij nuk mund të kërkohet nga një grup protestuesish, sepse mandati i ka ardhur nga vota e qytetarëve. Rama shtoi se është i gatshëm t’i dëgjojë kërkesat e studentëve dhe t’i debatojë ato.

Në të njëjtën ditë, studentët protestues marshuan nëpër universitetet e Tiranës me thirrjen “Rama jep dorëheqjen”. Ata hynë në Fakultetin e Inxhinierisë së Ndërtimit, ku u bënë thirrje kolegëve të bojkotojnë mësimin dhe t’i bashkohen protestës. Studentët deklaruan se nuk do të ndalen pa u plotësuar kërkesat e tyre.

Në Bruksel, Rama u prit edhe nga sekretari i përgjithshëm i NATO-s, Mark Rutte. Sipas postimit të Rutte-s në rrjetin X, të dy diskutuan për investimet në mbrojtje, situatën në Ballkanin Perëndimor dhe mbështetjen e Aleancës për Ukrainën.

Në një interviste për Euronews gjatë samitit të zgjerimit, Rama tha gjithashtu se Serbia duhet ta njohë Kosovën nëse do të ecë drejt BE-së.

Rama e cilësoi situatën si një fazë të re tensioni, me pjesëmarrje të kufizuar qytetare. Ai pranoi se kërkesat e publikut ndikojnë në mënyrën si qeveria i harton politikat e saj.

Sot mund të lexoni Shfletoni kopertinat