Protesta kundër Ramës zhvendoset para Kryeministrisë, policia përdor topat e ujit për shpërndarjen e qytetarëve
Dy makina ujëhedhëse dhe dhjetëra efektivë policie janë angazhuar për të shpërndarë protestuesit që kanë dalë në rrugë kundër qeverisë së kryeministrit Edi Rama.
Pamjet e filmuara me dron tregojnë se makinat ujëhedhëse po hedhin sasi të mëdha uji me presion në drejtim të turmës, në përpjekje për të larguar protestuesit.
Ndërkohë, protesta është zhvendosur para godinës së Kryeministrisë, ku studentë dhe qytetarë kanë bërë të qartë se dorëheqja e kryeministrit Edi Rama është kërkesë e panegociueshme e tyre.