Nëna nga Tirana lidh 3-vjeçarin në djep dhe e lë në shtëpi vetëm dhe del në punë - Bota Sot
Nëna nga Tirana lidh 3-vjeçarin në djep dhe e lë në shtëpi vetëm dhe del në punë

Tirana

Nëna nga Tirana lidh 3-vjeçarin në djep dhe e lë në shtëpi vetëm dhe del në punë

Më: 17 janar 2019 Në ora: 12:33
Pamje nga video

Sine Koldashin, nga Laknasi i Tiranës, rrit e vetme 5 fëmijët e saj prej dy vitesh.

37-vjeçarja është detyruar të kujdeset vetë për fëmijët e saj, të moshave nga 13 deri në 3 vjeç, pasi bashkëshorti i saj vuan dënimin në burg me akuzën e dhunës në familje.

Kalvari i dhimbjes filloi më dhjetor të vitit 2017, kur bashkëshorti i saj u kthye në shtëpi në gjendje të dehur dhe goditi gruan 5 muajshe shtatzënë.

Gjatë goditjes gruaja ra nga kati i dytë i banesës duke humbur menjëherë fëmijën.

Ishte fëmija 9 vjeçar i familjes që lajmëroi policinë, duke i shpëtuar jetën nënës së tij.

Sot, Sine Koldashi rrit e vetme 5 fëmijë në kushte tepër të vështira.

Shpesh i duhet të punojë për të siguruar ushqim dhe në këto raste nëna e lidh në djep fëmijën 3 vjeçar duke e lënë vetëm në shtëpi.

“Nuk e marr dot me vete në punë dhe kam frikë ta lë të lirë vetëm nëpër shtëpi, ndaj detyrohem ta vendos në djep” – thotë 37 vjeçarja.

Fëmija qëndron në djep për orë të tëra, derisa kthehen nga shkolla fëmijët e tjerë të familjes.

Ndonëse shpesh të paushqyer, fëmijët janë me rezultate të shkëlqyera në mësime.

Rastin e kësaj nëne nga Laknasi i Tiranës, do ta ndiqni të premten në “BOOM”

Telefononi në numrin e emisionit për të dhënë ndihmën tuaj: 069 60 00 002.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...