Universiteti i Tiranës pezullon mësimin deri më 6 dhjetor - Bota Sot
Universiteti i Tiranës pezullon mësimin deri më 6 dhjetor

Tirana

Universiteti i Tiranës pezullon mësimin deri më 6 dhjetor

Më: 30 nëntor 2019 Në ora: 08:55
Universiteti i Tiranës

Me anë të një njoftimi për shtyp, Rektori i Universitetit të Tiranës, Mynyr Koni, ka bërë të ditur se është marrë vendimi që të pezullohet mësimi në Universitetin e Tiranës deri në datën 6 dhjetor, pas situatës së krijuar nga tërmeti i së martës.

“Në vijim të Urdhrit nr. 21, datë 26.11.2019, duke ndjekur me shumë shqetësim dhe me shumë vëmendje situatën aktuale, tepër të rënduar edhe nga ana psikologjike, deri në qetësimin e saj dhe garantimin e sigurisë teknike të ambienteve në të cilat zhvillohet procesi mësimor dhe më gjerë, në cilësinë e Rektorit të Universitetit të Tiranës, urdhëroj pezullimin e procesit mësimor deri në datën 6 Dhjetor 2019”, thuhet në njoftimin e publikuar nga Mynyr Koni.

Një ditë më parë, Ministrja e Arsimit, Besa Shahini deklaroi në Facebook se ende nuk ka një datë se kur do të nisë procesi mësimor në shkolla.

Shfaq komentet
comments powered by Disqus
Sot mund të lexoni Shfletoni kopertinat