Një atentat ka ndodhur pak më parë në zonën e “Astirit” në Tiranë pranë Unazës së Re, ku ka mbetur i plagosur një i ri i identifikuar si Gentjan Ramani.
Policia bën me dije se i riu 28 vjeçar është qëlluar nga disa persona ende të paidentifikuar. Mësohet se të shtënat e atentatorëve kanë ardhur nga një automjet. Ngjarja mendohet se është filmuar nga një sërë kamerash sigurie, e deri më tani policia ka nisur hetimet për identifikimin e atentatorëve.
Mësohet gjithashtu se i plagosur 28 vjeçar është jashtë rrezikut për jetën dhe po mjekohet në spitalin e traumës.
