Ish-deputeti Visar Ymeri thotë se Administrata Biden në SHBA procesin e dialogut Kosovë-Serbi do ta koordinojë më shumë me Bashkimin Evropian.
Ymeri thotë se sipas të gjitha gjasave Brukseli bashkë me Administratën e Bidenit do të kërkojnë zbatimin e marrëveshjeve të deritanishme ku përfshihet edhe Asociaconi i komunave me shumicë serbe.
“Pos Asociacionit do të kërkohet një bashkëpunim rajonal në formën e një Minishengeni”, tha ai.
Analisti thotë se Kosova do ta ketë shumë të vështirë ta ndryshojë këtë diskurs të dialogut.
Ymeri thotë se Kurti do të ishte personi më i përgatitur për të drejtuar dialogun dhe për t’u përballur me Serbinë por sipas tij ai nuk e ka bërë deri më tani.
“Sigurisht se shumë më mirë do të mund të ndikohej në dialog nga pozita e kryeministrit, por Kurti nuk veproi kështu”, tha ndër të tjera Visar Ymeri.