Kryetari i AAK-së, Ramush Haradinaj tregon se partia e tij do të publikojë pas disa ditësh një program ekonomik për periudhën 2021-2025.
Brenda këtij projekti thotë se do jetë edhe fondi për Mbijetesë Ekonomike, me vlerë mbi 1 miliardë euro, për vitin 2021.
Përmes këtij fondi, Haradinaj thotë se do përkrahen bizneset e punëtorët që kanë humbur vendet e punës do të kthehen, e familjet në krizë ekonomike do të mbështeten
Ky është postimi i tij i plotë:
Të nderuar qytetarë të Republikës së Kosovës
Aleanca për Ardhmërinë e Kosovës, ditët në vijim do të publikojë programin ekonomik 2021 – 2025, në kuadër të të cilit do prezentohet projekti për Fondin e Mbijetesës Ekonomike, me vlerë mbi 1 miliardë euro, për vitin 2021.
Ky fond do të garantojë përkrahjen për bizneset, kthimin e punëtorëve që kanë humbur vendet e punës për shkak të gjendjes pandemike, mbështetjen për familjet në krizë ekonomike e shumë benefite të tjera.
NE JEMI NDRYSHIMI I SIGURT
