“Logjikë fashiste” - Latifi i del në mbrojtje Osmanit pas ofendimeve të Veliut

Aktuale

“Logjikë fashiste” - Latifi i del në mbrojtje Osmanit pas ofendimeve të Veliut

Nga: A.Morina Më: 5 janar 2021 Në ora: 14:13
Blerim Latifi

Filozofi Blerim Latifi ka reaguar pas deklaratave të ministrit të Punëve të Brendshme, Agim Veliut për u.d e presidentit, Vjosa Osmanin.

Latifi tha se pavarësisht se e ka kritikuar ashpër publikisht Osmanin, sulmet që po i bëhen duke marrë për bazë fizikun e saj janë të papranueshme.

"Në shumë raste e kam kritikuar ashpër publikisht dhe vazhdoj të jem shumë skeptik për potencialin e saj politik, por sulmet që po i bëhen duke marrë për bazë fizikun e saj, nuk më duken aspak normale. Është logjikë fashiste ta gjykosh politikisht dikë nisur nga tiparet e fizikut të tij", shkroi Latifi në facebook, përcjell "Bota sot".

Postimi i plotë

Vjosa Osmani asnjëherë nuk më ka bindur politikisht për ndonjë gjë. Në shumë raste e kam kritikuar ashpër publikisht dhe vazhdoj të jem shumë skeptik për potencialin e saj politik, por sulmet që po i bëhen duke marrë për bazë fizikun e saj, nuk më duken aspak normale. Është logjikë fashiste ta gjykosh politikisht dikë nisur nga tiparet e fizikut të tij. Sot në Kosovë ka shumë gra në politikë që janë viktima të kësaj logjike.Politika është punë e mendjes, e jo e peshës apo kapacitetit fizik. Kujtoni Wolfgang Schäuble-n, politikanin e famshëm gjerman, i cili tash e 30 vjet është i paralizuar në këmbë dhe lëvizë me karrocë invalidësh, por kjo nuk i ka penguar gjermanët që t'i besojnë drejtimin e ekonomisë gjermane dhe shumë institucioneve tjera, përfshirë edhe Bundestagun.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat