AAK-ja ka shpalosur sot programin zgjedhor për vitet 2021-2025. Në këtë prezantim është shpalosur programi politik, ekonomik, ai i sundimit të ligjit, etj.
Prezantimin e shtyllës së programit që ka të bëjë me sundimin e ligjit dhe sigurinë e ka shpalosur ministri i Drejtësisë dhe kandidati i AAK-së për deputet Selim Selimi.
“Siç mbajtëm fjalën për formimin e ushtrisë, dyfishimin e pagave të gjyqtarëve dhe prokurorëve, që politika t’i mbajë duart larg drejtësisë, do ta mbajmë fjalën edhe për rritjen e buxhetit në sistemin e drejtësisë deri në 35%, sigurimin e pagës minimale në vlerë për 700 euro për policët, implementimin e vettingut për të siguruar gjyqtarë e prokurorë kompetent profesionalisht me integritet dhe të pavarur, rritjen e numrit të prokurorëve dhe gjyqtarëve në departamentin e krimeve të luftës, themelimin e Task-Forcës kundër korrupsion si dhe anëtarësimin në aleancën më të fuqishme në botë – NATO.
E mbajmë fjalën me Ramushin President!”, ka thënë Selimi.
Selimi garon në listën e AAK-së me numër 100.
