Hoti tha se qeveria do të ndajë paga shtesë edhe për arsimtarët, vjen reagimi nga Vetëvendosje

Aktuale

Hoti tha se qeveria do të ndajë paga shtesë edhe për arsimtarët, vjen reagimi nga Vetëvendosje

Nga: N. H Më: 20 janar 2021 Në ora: 13:11
Albin Kurti

Kryeministrinë detyrë i Republikës së Kosovës, Avdullah Hoti, ka pritur në takim përfaqësuesit e Sindikatës së Bashkuar të Arsimit, Shkencës dhe Kulturës (SBASHK), të cilët i ka siguruar se, Qeveria në detyrë, do të ndajë paga shtesë edhe për punëtorët e arsimit.

Lidhur me këtë ka reaguar ish-nënkryetarja e Kuvendit Arbërie Nagavci.

Nagavci thotë se LDK-ja asnjëherë se ka pasur prioritet arsimin, madje, sipas saj, kanë një përgjegjësi të madhe për gjendjen në të cilën gjendet ky sektor.

Ja shkrimi i saj:

Image
Arbërie Nagavci

Kandidati për Kryeministër nga radhët e LDK-së, zt. Avdullah Hoti paska premtuar se do të ndajë paga shtesë për punëtorët e arsimit.

E pra, LDK asnjëherë se ka pasur prioritet arsimin, madje kanë një përgjegjësi të madhe për gjendjen në të cilën ky sektor është. Dhe ajo që është më e rëndësishme, nuk mund t’i mashtroni e manipuloni mësimdhënësit, ata nuk shiten.

Punëtorët e arsimit janë të vetëdijshëm se me fraza të kota, premtime që s’i mbani, e manipulime e shfrytëzim në kohë fushate, nuk mund të përparojnë as individualisht e as kolektivisht.

Është koha e fundit kur duhet që arsimi të jetë prioritet me buxhet, me planifikim të mirëfilltë për të mbështetur mësimdhënësit e krijimin e kushteve për punë, për të garantuar siguri në shkolla, për të rritur bashkëpunimin dhe gjithëpërfshirjen.

Jo me premtime të kushtëzuara, por me dinjitet.

Shfaq komentet
comments powered by Disqus
Sot mund të lexoni Shfletoni kopertinat