Mediumi prestigjioz Euronews ka shkruar për zgjedhjet e 14 shkurtit që do të mbahen në Kosovë.
Orlando Crowcroft, i cili është autor i artikullit flet për figurën e Albin Kurtit.
Në këtë artikull theksohet se Kurti, pritet të jetë sërish kryeministër me rreth 40 deri në 50 përqind të votive.
Këtu përmendet fakti se atij nuk iu mundësua të kandidojë në këto zgjedhje për shkak se kishte hedhur gaz lotsjellës në Kuvendin e Kosovës në vitin 2015.
“Njeriu i cili shihet si kryeministër i ardhshëm i Kosovës është një politikan 45-vjeçar, të cilit shkaku i gjuajtjes së gazi lotsjellës në parlament në vitin 2015, i është ndaluar të kandidojë në zgjedhje më 14 shkurt. Për shkak të ligjit “të çuditshëm” elektoral të Kosovës, Albin Kurti pritet që të shërbejë si kryeministër nëse dalin të sakta sondazhet, ku aktualisht thuhet se Lëvizja Vetëvendosje ka 40-50 për qind të votive”, shkruan Euronews.
Shkrimi i Euronews flet po ashtu edhe për ecurinë e koalicionit Vetëvendosje – Lidhja Demokratike e Kosovës, e cila zgjati vetëm 50 ditë.
Tutje përmendet edhe rrëzimi i Qeverisë Hoti nga Gjykata Kushtetuese më 21 dhjetor të vitit të kaluar.
“Nuk do të jetë hera e parë që Kurti mban postin e kryeministrit. Në 2019, Vetëvendosje formoi një koalicion qeverisës me Lidhjen Demokratike të Kosovës (LDK) e cila zgjati vetëm 50 ditë para se LDK-ja të votojë pro shkarkimit të qeverisë, ku ishte pjesë edhe vetë.Nga qershori, Hoti kishte marrë detyrën e kryeministrit pasi kishte arritur të krijonte një koalicion qeverisës me 61 vota të parlamentit nga gjithsej 120. Më 21 dhjetor, doli që një nga ato 61 vota ishte e pavlefshme pasi një deputet ishte dënuar me burg shkaku i një dënimi për mashtrim. Kjo rrëzoi qeverinë e Hotit dhe hapi rrugën për zgjedhje të reja më 14 shkurt”.
Si shkak i ndalimit të Albin Kurtit në këto zgjedhje ishte hedhja e gazit lotsjellës në Kuvendin e Kosovës në vitin 2015, duke e kundërshtuar demarkacionin me Malin e Zi.
“Pritej që Kurti të kandidonte deri javën e kaluar, kur lideri i Vetëvendosjes u parandalua nga Gjykata Kushtetuese e Kosovës për incidentin e gazit lotsjellës, i cili ndodhi në vitin 2015, kur kundërshtoi një marrëveshje të shënjimit të kufirit me Malin e Zi”.
Këtu përmendet edhe struktura demografike e Kosovës.
Sipas këtij shkrimi më shumë se 40 përqind e popullsisë janë nën 25 vjeç dhe mosha mesatare është 30 vjeç.
Pjesëmarrja e rinisë në zgjedhje duket të jetë mjaft e lartë.
“Më shumë se 40 për qind e kosovarëve janë nën 25 vjeç dhe mosha mesatare është 30, krahasuar me 41 në Serbi, 43 në Bosnjë dhe 46 në Gjermani. Pjesëmarrja në votime midis atyre nga 18 deri në 24 vjeç është më e lartë se çdo grupmoshë tjetër, sipas një raporti të vitit 2016 nga USAID”.
“Është ndryshim i gjeneratave. Kemi 25 mijë të rinj kosovarë që mbushin 18 vjet çdo vit në një vend me 1.8 milion njerëz. Kosova është ende vendi i vetëm në Evropë që ka rritje të popullsisë”, tha Naim Rashiti, drejtor ekzekutiv në Grupin e Kërkimit të Politikave të Ballkanit.
Shkrimi i Orlando Crowcroft vë në pah rolin e rinisë në rezistencën ndaj okupatorit serb.
Këtu përmendet edhe angazhimi i ish-presidentit Hashim Thaçi, në luftën e Kosovës atëherë si një 30 vjeçar.
“Ky nuk është një fenomen i ri në Kosovë. Në vitin 1997, ishin studentët në Universitetin e Prishtinës ata që filluan lëvizjen protestuese që përfundimisht çoi në shtypjen e përgjakshme të Serbisë dhe më pas okupimin ushtarak të Kosovës, përfundoi vetëm në vitin 1999 pasi një fushatë bombardimesh e NATO-s 78-ditore detyroi milicët serbë dhe ushtrinë jugosllave për të tërhequr”.
“Në terren, ishin të rinjtë kosovarë, përfshirë edhe 30-vjeçarin e atëhershëm Hashim Thaçi që udhëhoqi Ushtrinë Çlirimtare të Kosovës (UÇK) drejt fitores në malet e Kosovës gjersa dhjetë vjet më vonë – në 2008 – u ngrit në këmbë në parlamenti kosovar dhe shpalli pavarësinë”.
“Tani, dhjetë vjet të tjera, është rinia e Kosovës që po e thotë përsëri fjalën e saj, por këtë herë kundër ish-udhëheqësve të UÇK-së, të kthyer në politikanë, të cilët Kurti i akuzon hapur për pasurimin e tyre në kurriz të Kosovës. Ai ka veçuar Thaçin, i cili mbetet ndoshta më i njohuri nga veteranët e UÇK-së ende në politikën kosovare, për poshtërim të veçantë”, shkruan Euronews.
