Bulliqi pas reshjeve të mëdha të borës: Shmangni daljet e panevojshme

Aktuale

Bulliqi pas reshjeve të mëdha të borës: Shmangni daljet e panevojshme

Më: 21 mars 2021 Në ora: 22:22
Shpejtim Bulliqi

Kryetari i Komunës së Podujevës, Shpejtim Bulliqi ka kërkuar nga qytetarët t’i shmangin daljet e panevojshme për shkak të reshjeve të mëdha të borës.

Përmes një postimi në Facebook, Bulliqi apeloi për kujdes të shtuar duke njoftuar se ekipet e komunës janë në terren për pastrimin e rrugëve.

“Reshjet e parreshtura të borës dy ditët e fundit po e vështiresojnë qarkullimin e veturave në komunikacion. Të gjitha ekipet e Komunës janë në terren për pastrimin e rrugëve dhe po punojnë pa u ndalur për zhbllokim të rrugëve dhe qarkullim normal në trafik. Meqenëse reshjet janë të vazhdueshme ju bëj apel të keni kujdes të shtuar dhe të shmangni daljet e panevojshme”, ka shkruar Bulliqi.

Policia e Kosovës ka apeluar te qytetarët të tregojnë kujdes të shtuar gjatë ngasjes në rrugë për shkak të reshjeve të mëdha të borës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat