Vëllai i truprojës së vrarë të Ibrahim Rugovës akuzon rëndë LDK-në: Ju keni bashkëpunuar me...

Aktuale

Vëllai i truprojës së vrarë të Ibrahim Rugovës akuzon rëndë LDK-në: Ju keni bashkëpunuar me...

Nga: P.R Më: 27 mars 2021 Në ora: 20:36
Besim Dajaku, truprojë e presidentit historik, Ibrahim Rugova, i cili u vra në një atentat më 19 tetor të vitit 2001.

Xhevat Dajaku, vëllai i Besim Dajakut, truprojës së presidentit historik, Ibrahim Rugova i cili u vra në një atentat më 19 tetor të vitit 2001, përmes një postimi në facebook ka drejtuar një mesazh të qartë ndaj LDK-së për votën ndaj Vjosa Osmanit për presidente.

“Nëse #VjosaOsmani nuk votohet për Presidente, atëherë do të bindem se 100% prej 99% sa jam i bindur - ju jeni bashkëpunëtorë të krimit e të hajnisë! Dhe do të quheni "VRASËSIT E PADUKSHËM" që edhe pse me vones, ju pamë ashiqare!!!!!...”, shkruan ndër tjerash Xhevat Dajaku, përcjellë “Bota sot”.

Postimi i plotë:

#VjosaOsmani Presidente

Mos na torturoni!

Ju që thirreni në emrin e votuesve, që zgërdhiheni para mediave, me ato buzëqeshjet cinike, injoruese, dominuese, s'jeni asgjë më shumë sesa torturues të vullnetit të mirë. Jeni torturues të së ardhmes, jeni torturues të perspektives; o jeni kolona e hijeve të zeza, që armët i keni të mbushura me demagogji, hipokrizi dhe mashtrim!

Ju keni votuar edhe kriminelë; ju keni bashkëpunuar ngushtë me ta; ju i shani ata ditën e çaraveshni me ta natën, thjesht jeni bashkëpunëtorë të nëntokës. Pikërisht për këtë qasje vendi ynë dhe njerëzit tanë po vuajnë. Ju milionerët e paqes dhe të luftës jeni edhe mjeshtër, na keni mashtruar përgjatë gjithë kohës, jeni sharë e keni nxitë përçarje dhe pastaj keni bashkëpunuar me e vjedhë këtë vend të Vogël që ma shumë është derdh gjak e lot sesa shi!...

Nëse #VjosaOsmani nuk votohet për Presidente, atëherë do të bindem se 100% prej 99% sa jam i bindur - ju jeni bashkëpunëtorë të krimit e të hajnisë! Dhe do të quheni "VRASËSIT E PADUKSHËM" që edhe pse me vones, ju pamë ashiqare!!!!!...

Zoti do të na ndihmojë kur ne e ndihmojmë veten!

Xh.D

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat