Në Suharekë janë vaksinuar 42 persona mbi moshën 85 vjeç

Aktuale

Në Suharekë janë vaksinuar 42 persona mbi moshën 85 vjeç

Më: 12 prill 2021 Në ora: 15:46
Foto ilustrim

Kryetari i Komunës së Suharekës, Bali Muharremaj, ka mbajtur takimin e radhës me drejtorët e drejtorive komunale.

Gjatë takimit përveç tjerash u tha se së shpejti do të fillohet me vazhdimin e punimeve në hapjen e rrugëve fushore, pastaj me pastrimin e lumit të qytetit, kurse po punohet edhe në përfundimin e projekteve që janë në realizim e sipër si dhe fillimin e realizimit të projekteve të reja.

Sa i përket gjendjes rreth vaksinimit të personave të moshuar u tha se deri tani janë vaksinuar 42 persona të moshës mbi 85 vjeç dhe edhe 14 të tjerë janë në radhë, kurse shumë shpejt do të vaksinohen edhe banuesit e Shtëpisë së të moshuarve në Gjinoc.

Nga drejtoria e Ekonomisë dhe Financave u tha se ky muaj ka filluar mirë sa i përket të hyrave vetanake. Më pastaj kryetari edhe kësaj radhe ka kërkuar që të respektohet Ligji dhe afatet për pagesat.

Pas diskutimeve dhe njoftimeve, kryetari ka dhënë detyra dhe përgjegjësi për drejtorët për ditët në vijim.

commentFirst article
Sot mund të lexoni Shfletoni kopertinat