Presidentja Vjosa Osmani takon Lumir Abdixhikun, ka disa fjalë për LDK-në

Aktuale

Presidentja Vjosa Osmani takon Lumir Abdixhikun, ka disa fjalë për LDK-në

Nga: A.Morina Më: 12 prill 2021 Në ora: 22:06
Vjosa Osmani dhe Lumir Abdixhiku

Presidentja e Kosovës, Vjosa Osmani ka zhvilluar takim me kryetarin e Lidhjes Demokratike të Kosovës, Lumir Abdixhikut.

Këtë e bëri të ditur, presidentja Osmani përmes një postimi në rrjetin social Facebook.

Presidentja e përgëzoi Lidhjen Demokratike të Kosovës për rolin konstruktiv që luajti në procesin e përmbylljes së formimit të institucioneve.

“Sigurova z. Abdixhiku që institucioni i Presidencës do të jetë çdoherë në shërbim të forcimit të bashkëpunimit dhe dialogut mes partive politike, me theks të vecantë për temat e interesit kombëtar. Në këtë drejtim, mirëpres kontributin e të gjitha partive politike opozitare për çështjet që lidhen me interesin shtetëror dhe mirëqenien e qytetarëve”, u shpreh Osmani, përcjell “Bota sot”.

Postimi i plotë

Partitë opozitare kanë rol kyç në proceset e rëndësisë së veçantë për vendin. Prandaj, sot prita në takim kryetarin e Lidhjes Demokratike të Kosovës, Lumir Abdixhikun. E përgëzova atë për rolin konstruktiv që LDK luajti gjatë procesit të përmbylljes së formimit të institucioneve pas zgjedhjeve të 14 shkurtit.

Sigurova z. Abdixhiku që institucioni i Presidencës do të jetë çdoherë në shërbim të forcimit të bashkëpunimit dhe dialogut mes partive politike, me theks të vecantë për temat e interesit kombëtar. Në këtë drejtim, mirëpres kontributin e të gjitha partive politike opozitare për çështjet që lidhen me interesin shtetëror dhe mirëqenien e qytetarëve.

Me z. Abdixhiku u pajtuam që të vazhdojnë diskutimet për temat që kërkojnë konsensus të gjerë politik dhe shoqëror.

Shfaq komentet
comments powered by Disqus
Sot mund të lexoni Shfletoni kopertinat