Latifi: Krasniqi është shkollu në Arabi Suadite, një vend ku gratë nuk vozisnin deri vonë

Aktuale

Latifi: Krasniqi është shkollu në Arabi Suadite, një vend ku gratë nuk vozisnin deri vonë

Më: 14 prill 2021 Në ora: 21:50
Blerim Latifi

Filozofi Blerim Latifi ka komentuar edhe një herë deklaratën e hoxhës Shefqet Krasniqi i cili tha se gratë e kanë vendin në kuzhinë.

Latifi tha se është shqetësuese që reagimet për deklarata të tilla kanë filluar të jenë selektive.

Tutje ai tha se Shefqet Krasniqi është shkolluar në një vend ku ende diskutohet nëse gruaja ka të drejtë të vozitë veturë apo jo.

“Shefqet Krasniqi është shkollu në Arabinë Saudite, një shoqëri e cila deri në vitin 1962 e ka pasë të legalizume skllavërinë, një shoqëri ku ende diskutohen banalitete të tilla se a duhet femra me vozitë apo jo. Ai është shkollu atje, e drejtë e tij është me u shkollu. Ai mendon që standardet morale, kulturore e politike që vlejnë në Arabi Saudite duhet të vlejnë kudo”, tha Latifi.

Sipas tij, një teolog që nuk e kupton etosin e shoqërisë moderne ai definitivisht ka probleme serioze.

Shfaq komentet
comments powered by Disqus
Sot mund të lexoni Shfletoni kopertinat