Konjufca bën homazhe në Kompleksin e Lirisë në fshatin Sllovi të Lipjanit

Aktuale

Konjufca bën homazhe në Kompleksin e Lirisë në fshatin Sllovi të Lipjanit

Më: 15 prill 2021 Në ora: 19:15
Konjufca bën homazhe në Kompleksin e Lirisë në fshatin Sllovi të Lipjanit

Kryetari i Kuvendit Glauk Konjufca, bëri sot homazhe dhe vendosi lule në Kompleksin e Lirisë në fshatin Sllovi të Lipjanit, kushtuar dëshmorëve dhe martirëve të rënë më15 prill të vitit 1999.

Në komunikatën e lëshuar nga Kuvendi thuhet se, Konjufca po ashtu takoi disa nga familjarët e të rënëve, me ç’rast çmoi lart kontributin e më të dashurve të tyre dhënë për liri, si dhe luftën e Ushtrisë Çlirimtare të Kosovës e cila u kurorëzua me themelimin e shtetit tonë të pavarur.

Dëshmorët dhe martirët e rënë për liri janë gurthemel i shtetit dhe pavarësisë së Kosovës. Sakrificës së tyre sublime i përulemi me respekt të përjetshëm, tha Konjufca.

Për vetëm dy ditë, 15 e 16 prill 1999, forcat serbe vranë dhe masakruan 45 shqiptarë në fshatin Sllovi, në mesin e tyre pleq, gra e fëmijë.

Prandaj, kryekuvendari Konjufca e shtroi si nevojë të domosdoshme që institucionet e Kosovës të punojnë më shumë për zbardhjen dhe dënimin e të gjitha krimeve të Serbisë, të kryera në Kosovë./Lajmi.net/

Shfaq komentet
comments powered by Disqus
Sot mund të lexoni Shfletoni kopertinat