Sveçla në Slloveni, prezanton para ministrave të rajonit orientimet kyçe strategjike në sektorin e sigurisë

Aktuale

Sveçla në Slloveni, prezanton para ministrave të rajonit orientimet kyçe strategjike në sektorin e sigurisë

Më: 10 qershor 2021 Në ora: 17:25
Pamje nga takimi

Ministri i Punëve të Brendshme, Xhelal Sveçla ka prezantuar në takimin e 10-të Ministror të “Procesit të Brdos” rezultatet dhe orientimet kyçe strategjike e programore të Republikës së Kosovës në sektorin e sigurisë.

Përmes një statusi në Facebook, ministri Sveçla, po ashtu ka bërë të ditur së bashku me ministrat e Punëve të Brendshme të rajonit, diskutuan për tema të rëndësishme në funksion të fuqizimit të përgjithshëm të rendit dhe sundimit të ligjit.

Ky është statusi i tij i plotë:

Sot, në takimin e 10-të Ministror të “Procesit të Brdos” në Slloveni, prezantova rezultatet dhe orientimet kyçe strategjike e programore të Republikës së Kosovës në sektorin e sigurisë.

Së bashku me Ministrat e Punëve të Brendshme të rajonit, diskutuam për tema të rëndësishme në funksion të fuqizimit të përgjithshëm të rendit dhe sundimit të ligjit. Kjo, përmes avancimit të kapaciteteve shtetërore, si dhe forcimit të bashkëpunimit rajonal.

Sipas agjendës së Konferencës së Ministrave, diskutuam edhe për parandalimin dhe hetimin e veprave kriminale të abuzimit seksual dhe shfrytëzimit të fëmijëve në internet, si dhe menaxhimin e rrjedhave të migracionit të përzier.

Gjatë dy ditëve të Ministerialit kam takuar edhe homologët nga shtetet mike si dhe përfaqësues të mekanizmave ndërkombëtare që ishin pjesë e punimeve të Konferencës, me qëllim të forcimit të bashkëpunimit dhe adresimin e nevojave konkrete në këto fusha me rëndësi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat