Këtë të enjte është shënuar 78-vjetori i lindjes së veprimtarit të çështjes kombëtare, Ukshin Hoti.
Kujtime për të nga koha sa ai kishte qenë i burgosur, ka shoku i qelisë, Mehmet Memqaj. Ai e ka përshkruan Ukshin Hotin si të pathyeshëm.
“Baca Ukë nuk ka pasur frikë nga asgjë. Ka qëndruar ashtu si duhet të qëndrojë një njeri i madh i çështjes kombëtare. Ka qenë stoik. Nuk ka pasë frikë se do të na rrahin ose bëjnë diçka. E ka pasë një qëndrim kombëtar dhe atë e ka mbajtur deri në nxjerrjen nga qelia e burgut në Dubravë”, ka thënë Memqaj.
“Ai thoshte “NATO do ta fitojë luftën, s’po di pse po e zgjasin sepse për tre ditë mund ta përfundojnë këtë””.
“E kam pas idol Bacën Ukë pa e parë. Nuk e njisha kur erdhi në burg. Aty e kam takuar për herë të parë në Mitrovicë. I kam thënë se edhe unë jam patriot, veprimtar i çështjes kombëtare”, ka thënë ai për takimin që kanë pasur para atij në Burgun e Dubravës, prej ku ai nuk është parë më.
