Nuk i dha leje ministrit serb për të hyrë në Kosovë, deklarohen nga MPJD

Aktuale

Nuk i dha leje ministrit serb për të hyrë në Kosovë, deklarohen nga MPJD

Më: 21 qershor 2021 Në ora: 14:01
MPJD

Kosova nuk e ka lejuar vizitën e ministrit të Sportit të Serbisë, Vanja Udoviçiq. Këtë e kanë konfirmuar nga Ministria e Punëve të Jashtme dhe Diasporës

“Ju konfirmojmë se Ministria e Punëve të Jashtme dhe Diasporës nuk e ka aprovuar kërkesën e ministrit të Qeverisë serbe për të hyrë në Republikën e Kosovës”, thuhet në përgjigjen e MPJD-së.

MPJD-ja nuk ka dhënë arsye për refuzimin e kërkesës ndaj Udoviçiqit.

Në anën tjetër, refuzimi i vizitës së ministrit serb në Kosovë ka ngjallur reagime në Serbi.

Drejtori i të ashtuquajturës Zyrë për Kosovën në Qeverinë e Serbisë, Petar Petkoviq, e ka quajtur arrogancë të institucioneve të Kosovës vendimin për të mos e lejuar hyrjen e ministrit të Sportit të Serbisë, Vanja Udoviçiq.

“Lidhur me qëndrimin e tij në Kosovë u njoftua zyrtarisht në përputhje me të gjitha marrëveshjet dhe procedurat, por përkundër se Prishtina në mënyrë të njëanshme dhe arbitrare vendosi të mos e lejojë vizitën”, ka deklaruar Petkoviqi.

Shfaq komentet
comments powered by Disqus
Sot mund të lexoni Shfletoni kopertinat