Nënshkruhet memorandum bashkëpunimi mes MKRS dhe Universitetit të Prishtinës “Hasan Prishtina” Fakulteti i Ndërtimtarisë

Aktuale

Nënshkruhet memorandum bashkëpunimi mes MKRS dhe Universitetit të Prishtinës “Hasan Prishtina” Fakulteti i Ndërtimtarisë

Më: 28 qershor 2021 Në ora: 17:57
Pamje nga vendi i ngjarjes

Sot Ministria e Kulturës, Rinisë dhe Sportit ka nënshkruar marrëveshje bashkëpunimi me UP “Hasan Prishtina” Fakultetin e Ndërtimtarisë.

Qëllimi është zgjerimi dhe thellimi i bashkëpunimit në fushën e mbrojtjes së trashëgimisë kulturore.

Mbrojtja, promovimi dhe avancimi i sistemit të përgjithshëm të menaxhimit të trashëgimisë kulturore përveç qëllimit themelor pra si vlerë e rëndësisë së veçantë kulturore, historike, shoqërore e shpirtërore, duhet të shërbejë edhe si mjet për promovim e mobilizim të të gjitha resurseve që ka kjo fushë në funksion të ngritjes së prosperitetit ekonomik.

Mënjanimi i degradimit të aseteve të trashëgimisë kulturore, restaurimi dhe ri jetësimi i tyre duhet të bëhet në përputhje me dispozitat ligjore dhe duke u bazuar në principet dhe parimet e konventave ndërkombëtare. Për të arritur drejt avancimit të këtyre synimeve është i nevojshëm bashkëpunim e bashkërendim i aktiviteteve ndërmjet Ministrisë së Kulturës, Rinisë dhe Sportit dhe Universitetit të Prishtinës “Hasan Prishtina”.

Krahas masave tjera të ruajtjes së vlerave të trashëgimisë kulturore, ngritja e kapaciteteve profesionale me theks të veçantë mbështetja e gjeneratave të reja për zhvillim të aftësive dhe kapacitetit profesional është objektivë e cila mbështetë gjithë mozaikun e procesit të integruar të mbrojtjes së trashëgimisë sonë kulturore.

commentFirst article
Sot mund të lexoni Shfletoni kopertinat