Gjykata e Kombeve të Bashkuara në Hagë dënoi me nga 12 vjet burgim dy ish-shefa të shërbimit të sigurimit shtetëror të Serbisë, Jovica Stanishiq dhe Franko Simatoviq, të akuzuar për udhëheqjen e grupeve paraushtarake gjatë luftërave në ish-Jugosllavi, në vitet 1990.
Sipas profesorit, Milazim Krasniqi, shteti serb ka mbetur i tronditur nga ky vendim i Hagës. Madje, ai përmendi edhe akuzën e Vuçiqit, për marrje të parave nga gjykatësit.
“Serbia duket e tronditur, pas dënimit të Stanishiqit e Simatoviqit në Hagë. Vuçiqi ka deklaruar se gjyqtarët kanë marrë para. Poashtu ka deklaruar në mënyrë idiotike: “ Kjo është hakmarrje ndaj nesh, e cila po zbatohet, por nuk e di pse.” Daçiqi ka deklaruar se e di mirë që ata nuk kanë bërë asnjë krim. (Daçiqi ka frikë për vete, sepse ka qenë zëdhënës i tyre.)”, shkroi Krasniqi në Facebook, përcjell “Bota sot”.
Postimi i plotë
Serbia duket e tronditur, pas dënimit të Stanishiqit e Simatoviqit në Hagë. Vuçiqi ka deklaruar se gjyqtarët kanë marrë para. Poashtu ka deklaruar në mënyrë idiotike: “ Kjo është hakmarrje ndaj nesh, e cila po zbatohet, por nuk e di pse.” Daçiqi ka deklaruar se e di mirë që ata nuk kanë bërë asnjë krim. (Daçiqi ka frikë për vete, sepse ka qenë zëdhënës i tyre.) Vulini ka thënë se gjykohen serbët dhe Serbia. Koment: ajo që nuk kuptoj unë është heshtja e politikës dhe e medieve në Kosovë për këto gjykime. Pse? Sepse gjykimi i atyre kriminelëve është gjykim i Serbisë, siç ka konstatuar gazeta “Gardian.” Ne do të duhej ta shfrytëzonim këtë moment, për të denoncuar krimet serbe në Kosovë, duke përfshirë edhe krimet e shumta të bandave terroriste të Stanishiqit e të Simatoviqit, e jo të heshtim. Vërtet nuk arrij të kuptoj çka ka ndodhë me ne, kur dihet se në vitet e okupimit kemi qenë më të guximshëm të denoncimin e krimeve serbe, se sa që jemi sot.
