Deklarohet familjari i të lënduarve nga aksidenti në Kroaci, tregon si është gjendja e tyre

Aktuale

Deklarohet familjari i të lënduarve nga aksidenti në Kroaci, tregon si është gjendja e tyre

Më: 27 korrik 2021 Në ora: 00:19
Familjari i të aksidentuarve, Blerim Thaçi

Familjari i të aksidentuarve, Blerim Thaçi, ka treguar se në autobusin e aksidentuar dje në Kroaci ishin vajza dhe gruaja e tij, të cilat janë lënduar dhe janë duke pranuar tretman mjekësor në spital.

Ai ka deklaruar se tani situata është e mirë pas aksidentit.

“Vajza ime ka pasë një operacion dje, sot e pati edhe një tjetër, ajo është pak më mirë. Ndërsa gruaja nesër do të hyjë në një operacion, pasi dorën e kishte të ënjtur. Unë iu shpreh ngushëllime të gjithë familjarëve të personave që kanë vdekur si dhe iu uroj shërim të shpejtë të lënduarve. Nga spitali ku janë duke u trajtuar të lënduarit sot janë lëshuar 26 persona”.

Thaçi ka thënë se stafi shëndetësor në Kroaci  janë duke i trajtuar  shumë mirë.

“Nuk ka më mirë si të jetë, kanë reaguar shumë mirë. Ambasadori i Kosovës ka qenë këtu deri në ora 16:00 dhe na ka ndihmuar në përkthim dhe me gjëra të tjera. Organizimi është shumë i mirë, këtu sot kanë qenë Smajl Latifi, kryetari i Komunës së Rahovecit dhe disa ministra”,ka thënë Thaçi.

Ai ka theksuar se në momentin kur ka ndodhur aksidenti gruaja dhe vajza e tij kanë qenë në gjumë dhe nuk mbajnë në mend se si ka ndodhur dhe nuk kanë parë asgjë.

Shfaq komentet
comments powered by Disqus
Sot mund të lexoni Shfletoni kopertinat