Halil Matoshi në një postim të tij në Facebook ka reaguar pas mosmirënjohjes së zytarëve të Shqipërisë ndaj ndihmës së Kosovës.
Derisa i pari i Kukësit tha se Kosova nuk ka ndihmuar në fikjen e zjarreve, Matoshi e quan si ‘ngarendje të pafalenderueshme’ nga ana e tij.
Sipas tij, në Shqipëri duhet të shkonin zjarrëfikësit e Kosovës dhe jo ushtria e Kosovës.
‘Kësaj herë FSK dhe Ministri i saj as që u vërejt në Kukës nga Kryeministri shqiptar Edi Rama, i cili falenderoi ata që ndihmuen por jo dhe trupat kosovare!?’, shkruan Matoshi.
Postimi i plotë:
Ngarendje e pafalenderueshme!
FSK âsht Ushtri e ligjshme e Kosovës dhe e gatshme me hap zjarr në mbrojtje të lirisë kombëtare të Kosovës si dhe të aleatëve të saj strategjik, përfshi Shqipninë vëllaznore.
FSK nuk âsht ma organizatë zjarrfikësish, siç e donte KS i OKB!
Ngarendja për me shukë zjarre âsht ndërmarrje koti, për mburrje!?
Atje duhej të shkonin zjarrfiksat e Kosovës.
Kësaj herë FSK dhe Ministri i saj as që u vërejt në Kukës nga Kryeministri shqiptar Edi Rama, i cili falenderoi ata që ndihmuen por jo dhe trupat kosovare!?
Apo jo Ministër Mehaj???