Këta patriotë u vranë nga dora e zgjatur e UDB-së, e kamufluar në petkun UÇK-së/ Gani Geci i përmend me emra

Aktuale

Këta patriotë u vranë nga dora e zgjatur e UDB-së, e kamufluar në petkun UÇK-së/ Gani Geci i përmend me emra

Nga: M.L. Më: 15 shtator 2021 Në ora: 21:26
Gani Geci

Ish deputeti i Kuvendit të Kosovës, Gani Geci publikoi sot një fotografi në profilin e tij në facebook, nga vendi ku ndodhet lapidari kushtuar Bekim Kastratit, Besim Dajakut dhe patriotëve të tjerë që u vranë pas lufte.

Geci sipër kësaj fotografie tha se askujt nuk duhet t`i pengojnë statujat e komandantëve të shquar të luftës së UÇK-së.

“Të dashur miq, askuj nuk duhet ti pengojnë statujat e komandantëve të shquar të luftës së UÇK-së të cilët ranë heroikisht në luftën për liri”, u shpreh ai.

Mirëpo, ai potencoi po ashtu se askujt nuk duhet t`i pengojnë, statujat e Bekim Kastartit dhe Besim Dajakut, Haki Imerit, Xhafer Behramit, Baki Behramit edhe Azem Ahmetit, të cilët u vranë pabesisht pas lufte.

“Por askujt nuk duhet t`i pengojnë as statujat e gazetarit Bekim Kastartit dhe Besim Dajakut, Haki Imerit, Xhafer Behramit, Baki Behramit edhe Azem Ahmetit, të cilët u vranë pabesisht, tinëzisht dhe në mënyrë tradhëtare. Këta burra patriotë u vranë nga dora e zgjatur dhe e dirigjuar nga UDB serbe dhe e kamufluar në petkun UÇK-së, të cilët shkruanin edhe komunikata në emër të UÇK-së”, përfundoi Geci.

Postimi i plotë i Gecit:

 

Të dashur miq, askujt nuk duhet ti pengojnë statujat e komandantëve të shquar të luftës së UÇK-së të cilët ranë...

Posted by Gani Geci on Wednesday, September 15, 2021

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat