Analisti politik, Xhevdet Pozhari para disa orëve në një postim në Facebook e ka cilësuar aktoren Adriana Matoshin si një nga deputetet më kot të Kuvendit.
“Shënoni një emër të deputetit/es më kot në Kuvendin e Kosovës.
Po e nisi unë: Adriana Matoshi”, shkroi Pozhari.
Ndaj këtij, opinion të analistit iu është kundërpërgjigjur mënjëherë deputetja Matoshi, e cila fillimisht ia bëri të qartë Pozharit se nuk e njeh dhe nuk ka dëgjuar asnjëherë për të.
Pastaj, ajo tregoi se nuk ka kohë të shikoj tv dhe të lexoj portale, pasi merret me disa punë njëohësisht.
“Faleminderit zotëri!
Më fal që asnjëherë nuk kam dëgjuar për juve, sigurisht edhe ju i keni vlerat dhe punët që i keni bërë për të cilat unë nuk kam njohuri. Arsyeja është që asnjëherë nuk kam kohë të shikoj tv e të lexoj portale sepse për momentin jam e nxënë me disa punë”, deklaroi Matoshi, përcjell “Bota sot”.
