I ngarkuari me punë në Ambasadën e Shteteve të Bashkuara të Amerikës në Prishtinë, Nicholas Giacobbe, ka njoftuar se ka takuar sot kryeministrin e Kosovës, Albin Kurtin.
Ata kanë diskutuar rreth situatës së fundit të krijuar në veri të Kosovës pas vendosjes së reciprocitetit për targat.
Giacobbe ka thënë se në këtë takim kanë diskutuar për rëndësinë e dialogut të ndërmjetësuar nga Bashkimi Evropian për të zgjidhur çështjen e targave dhe për çështjet tjera.
Good meeting w/ PM @albinkurti on importance of reengaging in the EU-facilitated Dialogue to resolve license plates & other issues. Immediate steps are needed to de-escalate tensions. Actions can have unintended consequences adversely impacting everyday lives of citizens.
— Nicholas J. Giacobbe, Jr (@USAmbKosovo) September 23, 2021
“Hapat e menjëhershëm janë të nevojshëm për të shtensionim të situatës.
Veprimet mund të kenë pasoja të padëshiruara që ndikojnë negativisht në jetën e përditshme të qytetarëve”, ka thënë ai.
