Mbi 18 mijë të vdekur janë larguar nga listat votuese në zgjedhjet lokale

Aktuale

Mbi 18 mijë të vdekur janë larguar nga listat votuese në zgjedhjet lokale

Më: 17 tetor 2021 Në ora: 07:06
Ilustrim

Emrat e më shumë se 18 mijë personave të vdekur janë larguar nga lista votuese e Zgjedhjeve Lokale e cila do të shpërndahet në vendvotime në ditën e zgjedhjeve më 17 tetor.

Pas zgjedhjeve të parakohshme që janë mbajtur më 14 shkurt të këtij viti, numri i personave që janë larguar si të vdekur nga lista votuese është 18 mijë e 252 persona.

Pjesë më e madhe e tyre, 14 mijë e 81 emra, janë larguar nga lista votuese sepse të njëjtit janë larguar edhe nga skema pensionale.

Nga zgjedhjet e 14 shkurtit, Komisioni Qendror i Zgjedhjeve ka gjetur një metodë të veçantë që i shërben saktësisë dhe pastrimit të listës votuese.

Nga departamenti i pensioneve që funksionon në kuadër të Ministrisë së Punës dhe Mirëqenies Sociale, KQZ-ja ka pranuar një bazë të të dhënave me emrat e personave të cilët janë larguar nga skema pensionale për shkak të vdekjes dhe zyrtarët e KQZ-së kanë verifikuar këto të dhëna në terren.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat