​Memli Krasniqi: Qytetarët e Dragashit ta mbështesin Shaban Shabanin në garën për balotazh

Aktuale

​Memli Krasniqi: Qytetarët e Dragashit ta mbështesin Shaban Shabanin në garën për balotazh

Më: 20 tetor 2021 Në ora: 17:22
Shaban Shabani dhe Memli Krasniqi

Doli i dyti në raundin e parë të zgjedhjeve, por pret të fitojë garën për balotazh.

Shaban Shabani nga PDK-ja do të garojë kundër Bexhet Xheladinit të LDK-së në garën për kryetar të Dragashit.

Ndërsa beteja për të parin e kësaj komune do të mbahet më 14 nëntor, kryetari i PDK-së Memli Krasniqi ka ftuar qytetarët e Dragashit që të përkrahin Shaban Shabanin, si kandidati i vetëm i duhur që ofron zhvillim dhe transformim të mirëfilltë të kësaj komune.

“Shabani, jo vetëm që ka qenë kryetar transformues, por edhe bashkëqytetar i afërt e i përkushtuar për njerëzit e mrekullueshëm të Dragashit, me të cilët ka rrugëtuar së bashku në punët e mëdha që janë bërë e në mundësitë që janë hapur. Sot, ai ka më shumë se kurrë vullnet për të vazhduar misionin e tij për të hapur perspektivë të qëndrueshme për të gjithë qytetarët e Dragashit. Ai është i tyre dhe me ta, do të vazhdojë të bashkëqeverisë, për ta nxjerrë Dragashin në tjetër nivel”, shkruan Krasniqi në Facebook.

Shaban Shabani në zgjedhjet e 17 tetorit mori 33.69 për qind të votave.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat