Diaspora e Lipjanit i jep më shumë vota LDK-së sesa VV-së

Aktuale

Diaspora e Lipjanit i jep më shumë vota LDK-së sesa VV-së

Më: 24 tetor 2021 Në ora: 17:49
Imri Ahmeti

Kandidati i Lidhjes Demokratike të Kosovës për kryetar të Lipjanit, Imri Ahmeti e ka fituar pa balotazh edhe një mandat në krye të kësaj komune.

Përveç që ka marrë mbi 50% të votave të rregullta, për Ahmetin kanë shkuar edhe shumica e votave të diasporës në këtë komunë. Ai ka marrë 95 vota, 26 më shumë sesa kundërkandidati i tij nga Lëvizja Vetëvendosje, Adnan Rrustemi.

Kësisoj, Rrustemi edhe për nga votat e diasporës radhitet pas Ahmetit, duke marrë 69 prej tyre.

Hyzer Rizani nga Partia Demokratike e Kosovës, ndërkaq, ka marrë 7 vota nga diaspora.

Nga rezultatet e përditësuara të Komisionit Qendror të Zgjedhjeve nga votat e rregullta në Lipjan, Ahmeti ka marrë 56,45% të tyre, krahas 22,96% sa i ka marrë Rrustemi i LVV-së.

I trati radhitet Hyzer Rizani i PDK-së me 19,24%.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat