Deputeti i PDK-së, Mergim Lushtaku, ka reaguar pas njoftimit të KQZ-së për atë se si diaspora ka votuar për garën në qytetin e Skenderajt, ku PDK është përfaqësuar nga Fadil Nura.
Ai përmes një postimi në Facebook falenderoi diasporën për përkrahjen e tyre ndaj PDK-së, përcjell “Bota sot”.
Lushtaku shton se së bashku vazhdojmë edhe shumë punë të mira për Skënderajn.
Postimi i plotë
Faleminderit diasporë , faleminderit bashkëqytetarë të Skënderajt që jetoni dhe veproni në diasporë!
Mbi 80% e juve votuat për PDK-në dhe kandidatin e saj z. Fadil Nura. Kjo përqindje e lartë dëshmon besimin dhe vlerësimin e lartë që keni për PDK-në dhe qeverisjet e mira të saj në Skënderajn tonë.
Së bashku vazhdojmë edhe shumë punë të mira për Skënderajn!
Mergim Lushtaku
