Edhe në Kosovë sikurse edhe në shumë vende të tjera të botës festohet festa e “Halloëeen-it” apo siç njihet ndryshe “Nata e Shtrigave”.
Profesori universitar, Milazim Krasniqi nëpërmjet një postimi në Facebook ka reaguar kundër festimit të kësaj feste. Ai e konsideron si antikulturë që promovon shëmtinë si vlerë.
Ky është postimi i plotë i tij:
Sonte dola me ecë kah rruga B. Tërë rrugën pashë plot djem e vajza , sidomos vajza, të shëmtuara me maska e me vizatime perverse në fytyrë. Dukeshin shumë keq. Më së shpeshti shfaqeshin me maska vampirësh po edhe lloj lloj shëmtirash të tjera.
E tmerrshme se si na u infiltrua kjo antikulturë, ky idiotizëm. Intenca e natyrshme e njeriut është të duket sa më bukur. Ndërsa, kjo antikulturë, e promovon shëmtinë si gjoja vlerë. Hiquni more kësaj idiotësie! Promovojeni bukurinë që ua ka falë Zoti.
Përbrendësojini vlerat e mirëfillta morale e kombëtare, që të jeni vetë të lumtur e të dobishëm për shoqërinë e kombin tonë.
